Dán jagi lei poasttain ođđa olahus páhkain juovlamánu - ja nagodedje juohkit buot páhkaid ovdal juovlaruohta.
Dáid juovllaid lea poasta sáddedan 50 miljovnna sáddejumi. Dain leat 10 miljovnna juovladearvuođa ja 40 miljovnna reivve ja páhka. Maŋemusaid dolvo vel rámbuvra poasttaide juovlaruohta.
– Lean hui duhtavaš go juovlapoastat ollejedje rievttes áigái. Eatnasat leat čuvvon poasta ávžžuhusa sáddedit reivviid ja páhkaid jođánit. Dat lea dagahan ahte nagodeimmet čuovvut áigemeriid, dadjá Norgga Poasta konseardnahoavda, Tone Wille.
Ain leat measta 200.000 páhka maid eai leat vel viežžan. Poasta ávžžuha olbmuid viežžat daid nu jođánit go vejolaš.
