Go juo TV2 lea Guovdageainnus, de geavahedje vejolašvuođa lágidit gilvvu Juovlanigáide.
Go juo TV2 lea Guovdageainnus, de geavahedje vejolašvuođa lágidit gilvvu Juovlanigáide.
Odne lea juste golbma mánu juovlaruhttii, ja Guovdageainnus orrot juo ráhkkaneame, go serve gilvui maid TV2 lea ráhkadan sidjiide.
Sámi juovlanigát máilbmái
Maiddái TV2 lea ožžon mielde ahte guovdageaidnulaš Jan Ole Buljo áigu ásahit mátkeealáhusfálaldaga mas Juovlanigá lea guovddážis. Danin háste ge su ovttasbargui:
– Mii fuobmáimet ahte mii ráhkadit gilvvu, nu ahte mis lea juovlanigá go dál áigut álggahit duođas dáinna fálaldagain mii galgá geasuhit gussiid Guovdageidnui, čilge Jan Ole Buljo gii lea ásahan Juovlanigá oasussearvvi. Dát galgá leat fálaldat turisttaide vai olbmot fuobmájit mátkkoštit Guovdageidnui.
Vaikko dán gilvvus leat juovlanigá gárvvut oarjemáilmmi málli mielde, de galget min juovlanigát leat eanet autenttalaččat ja sulastahttit sámiid, dáhkida Jan Ole Buljo.
Gilvaleaddjit
Gilvu maid TV2 ja Jan Ole Buljo/Juovlanigá fitnodat lágidedje, lei vuosttáš oassi ollášuhttit fitnodatálggáheami. Golbma dievddu nekte «juovlanigá» gilvvus. Sii gilvaledje iešguđetge juovlánigáhommáid vuođul. Gárvodit juovlanigá ruksebiktasiiguin, viessobohcci suotnjat ja geiget skeaŋkka. Sii čogge poeŋŋaid ja vuoitu lei mahkáš heargi
Ránnjážat vuitet ruhtaspealuin
Norsk Tipping Nabolaget nammasaš ruhtaspealus sáhtát vuoitit ruđaid ja dán oktavuođas lea ge TV2 filbmajoavku boahtán Guovdageidnui, geiget vuoittu dievdui gii vuittii miljovnna dán spealus.
Alex Rosén lea son gii galgá čoalkkuhit miljovnna vuoiti uksii ja geiget skeaŋkka, dát dieđusge filbmejuvvo ja čájehuvvo tv:s bearjadaga dii 19:30.
Olles ášši eanet govaiguin lea duorastaga báberaviissas.
