Manne juovlanigát leat Guovdageainnus dál juo?
Manne juovlanigát leat Guovdageainnus dál juo?
Fargga juovllat
Odne lea juste golbma mánu juovlaruhttii, ja de leat juovlanigát ráhkkaneame Guovdageainnus juo.
Sámi juovlanigát máilbmái
Maiddái TV2 lea ožžon mielde ahte guovdageaidnulaš Jan Ole Buljo áigu ásahit mátkeealáhusfálaldaga mas Juovlanigá lea guovddážis. Danin háste ge su ovttasbargui:
– Mii fuobmáimet ahte mii ráhkadit gilvvu, nu ahte mis lea juovlanigá go dál áigut álggahit duođas dáinna fálaldagain mii galgá geasuhit gussiid Guovdageidnui, čilge Jan Ole Buljo gii lea ásahan Juovlanigá oasussearvvi. Dát galgá leat fálaldat turisttaide vai olbmot fuobmájit mátkkoštit Guovdageidnui.
– Vaikko dán gilvvus leat juovlanigá gárvvut oarjemáilmmi málli mielde, de galget min juovlanigát leat eanet autenttalaččat ja sulastahttit sámiid, dáhkida Jan Ole Buljo.
Gilvaleaddjit
Gilvu maid TV2 ja Jan Ole Buljo/Juovlanigá fitnodat lágidedje, lei vuosttáš oassi ollášuhttit fitnodatálggáheami. Golbma juovlanigá sullásaš dievddu leat oassálastime. Sii gilvaledje iešguđetge juovlánigáhommáid vuođul. Gárvodit juovlaniga ruksebiktasiiguin, viessobohcci suotnjat ja geiget skeaŋkka. Sii čogge poeŋŋaid ja vuoitu lei mahkáš heargi.
Ránnjážat vuitet ruhtaspealuin
Norsk Tipping Nabolaget nammasaš ruhtaspealus sáhtát vuoitit ruđaid ja dán oktavuođas lea TV2 filbmajoavku boahtán Guovdageidnui go muhtun miljovnna vuoiti almmuhuvvo bearjadat eahkeda. Gilvvus vuoitá muhtun miljovnna ruvnnu ja su lagamuš ránnját geat leat maid speallan seamma spealu, vuitet unnibuš supmiid. Alex Rosén lea son gii galgá čoalkkuhit miljovnna vuoiti uksii ja geiget skeaŋkka, dát dieđusge filbmejuvvo ja čájehuvvo tv:s bearjadaga dii 19:30. Juste dalle mii maiddái almmuhit ja bidjat gova das gii vuittii sihke juovlanigágilvvuid ja miljovnna.
