FIERCA
21/3-19/4
Eanas lea dál sáhka ovtta diŋggas. Leat go don árjjaheapme vai árjjalaš? Válddát go ovddasvástádusa iežat eallimis, vai it go birge iešheanalaččat? Buot mii dán vahkku dáhpáhuvvá, čájeha dan.
Bargga dan mii gáibiduvvo vai buot manná nu go galgá. Geavat fámu jus dasa lea dárbu. Ale bala addimis earáide fámu, jus nu lea riekta dahkat.
VUOKSÁ
20/4-21/5
Návddaš buot buriid. Leage hutkái ja udno alccet buot. Son geas lea juoga addámuš, son lea lihkolaš.
Dat mii buorre lea, lea ahte don ovdánat sakka dán vahkku. Dan don dagat ovddasvástádusa bokte ja go dagat earáide buoret dili. Go don leat buorre ovdagovva, de ovddidat don maid ovdáneami sidjiide geat gullet du «jovkui».
Čájet fal dál iežat barggánis beali.
JUMEŽAT
21/5-21/6
Deháleamos dán vahkku ii leat maid dajat, muhto maid dagat. Leage utnolaš ja juogat iežat árvvuid.
Čájet earáide maid don árvvus anát, ja čájet sidjiide ahte don anát sin árvvus – Ii dušše sániiguin, muhto maid daguiguin.
Áŋgiruša áinnas searvevuođas. Ii leat nu dehálaš maid don oaivvildat, ja manne don dan oaivvildat. Deháleamos lea ahte don juogadat earáiguin geat leat du birrasis.
REABBÁ
22/6-22/7
Čájet miehtemiela earáide. Atte sidjiide vejolašvuođa čájehit iežaset árvvu. Leat nu olu fiinna olbmot dieppe geaid ovddas sáhtát illudit.
Ale bala dovdamis ráhkesvuođa, empatiija ja bivnnutvuođa. Ane seammás árvvus earáid rievtti dadjat ja dahkat dan mii sidjiide heive.
Earát vásihit du ráhkesvuođa buoremusat go árvvus anát sin ja sin dárbbuid ja sávaldagaid.
LEDJON
23/7-22/8
Jurddaš man buorre lea go don leat ávkin earáide! Don sáhtát ráhkadit feastta ja olu ilu earáide.
Dán vahkku lea dan boares sátnevádjasis duohta, ahte: Stuorámus illu lea earáid illudahttit.
Jus vásihat hástalusaid, de jurddaš ahte dat leat dakkárat maid don galggat máhttit ja ja čoavdit.
Oaččut áinnas gohčodit iežat vuoitin. Dat maid galggat badjelasat váldit lea ilu ja ráhkesvuođa giisá.
BUHTISNIEIDA
23/8-22/9
Dus lea olu addit. Udjuvuohta ja doaladahkesvuohta ii heive dál. Váldde sátnesaji ja juogat iežat skeaŋkkaid, jurdagiid ja hutkkálaš evttohusaid earáiguin.
Ale bala ráhkisteames vaikko it jáhke oažžut juoidá ruovttoluotta. Don han dieđát ahte lihkolaš lea son gii ráhkista, go son han álo oažžu.
Ale bala dadjamis dan maid dieđát veahkeha earáid, vaikko vel ieža eai hálit ge gullat dan.
VIEHKAT
23/9-22/10
Jus vásihat ahte dát vahkku lea earenoamáš, de lea dat lunddolaš. Viehkagii han leat dát beaivvit sihke dábálaččat ja veahá earáláganat go dábálaččat lávejit.
Ii dárbbat leat gižžu dan gaskkas mii lea vuorddekeahtes ja bodnjákeahtes, ja dábálaš eallima. Jus leat rabas ja illudat das mii dáhpáhuvvá, de dahká vuorddekeahtes bealli dábálaš eallima vel buorebun.
SKORPIUVDNA
23/10-21/11
Dus leat guokte diŋgga maid galggat ollašuhttit. Nubbi lea suohtastallat ja čájehit earáide man árvvus don anát sin. Nubbi fas lea dahkat dan mii leat du bargu.
Das ii leat sáhka «barggus» mas bálkká oaččut. Das lea eanet sáhka das ahte don leat mielbargi joavkkus mas galggat earáid buorren dahkat, seammás go ieš ovddidat ja geavahat iežat buriid beliid.
BÁHČČI
22/11-21/12
Daid beivviid mat leat vel ovdal juovlaruohta lea fiinna áigi muittašit jagi ja áiggi mii lea vássán. Nuppi juovlabeaivvi rájes lea dárbu gerget bargguid ođđa vugiiguin.
Geahča mii ferte dahkkot, ja jurddaš ahte boahtte jagi de galgá čorgejuvvot ja divvojuvvot.
Ale vuordde ođđabeairuhttii lohpidit buriid lohpádusaid. Geargga daiguin ovdal ođđabeairuohta. De gártá fas sadji ođđa lohpádusaide.
BÁKTEBOHKKÁ
22/12-19/1
Go juovllat nohkagohtet, de rahppo ođđa uksa Báktebohkáide. Doppe vurdet ođđa vejolašvuođat. Dus lea de bargu vástidit «juo» ja váldit daid vuostá.
Galggat earenoamážit mearkkašit movt don ieš dovddat, ja mii dáhpáhuvvá juovlamánu 26. beaivvi- De oainnat mánnu riegáda Báktebohkás mii lea hui positiiva ja hutkkálaš.
Luohte alccet, ja luohte máilbmái. Mii leat dušše moadde ražasteami duohken «paradiása».
ČÁHCEOLMMÁI
20/1-18/2
Dál lea ilu áigi. Leage dat mii don leat. Jus ii leat miella oassálastit olgguldas doibmii, de illut dan ovddas mii dus siskkáldasat geavvá. Doppe ráhppojit ođđa uvssat.
Mađi eanet duosttat leat mánálažžan, dađi álkibun šaddá visot. Čábbábun, suohttaseabbon ja ulbmillaččabun šaddá maid. Guldal dárkilit makkár niegut ja dovddut dus čuožžilit 26. beaivvi. De han čájehuvvo olles boahtte jagi bálggis.
GUOLIT
19/2-20/3
Dál ii leat ovtta diŋgga dahkat. Namalassii boktit optimismma. Ii fal danne go dat lea duohta ja riekta, muhto go dainna don sáhtát válljet buoremus bálgá iežat buoremus beliide ja boahtteáigái.
Juste dál ii leat jierpmálaš realisma jurddašit ollet go don dohko vai it. Realisttalaš mihttu ja višuvnnat leat ahte don ollet nu guhkás go vejolaš.
Horoskopa ráhkadan: Atle Skretting, astrologa, NTB
