Mii bat dál lea go Morten lea dálkasiid ožžon, de gal spiiddisteapmi jođánit nohká ja Morten arvá fas nuppe dálus finadit. Son garresta váimmu ja vuolgá Kirste lusa. Gal dál leat máŋga ášši maid suinna ferte čielggadit.
Dát fearánat ránnjážiid birra leat dáhpáhuvvan ovtta gilážis, na soaitá vaikke Jergolis, Mázes, Sirpmás dahje Gáivuonas, gii dan diehtá. Ránnjážiin leat goit, nu go ránnjážiin lávejit ge, olu somás ja muhtun eai nu somás dáhpáhusat. Ráhkesvuohta, birgejupmi ja balahahkesvuohta dagahit olu bárttiid giliolbmuide.
Dán jagi beassabehtet gullat nuppádassii juovlakaleandara mii almmuhuvvui juovlamánu 2018.
