Dássážii ii leat mannan nu bures Firkkal-reaŋgga geahččalemiiguin lahkonit Kirste. Ii hal diet nieida oro berošteame eará go dien Lásses. Son dahká earána Kirste manji lusa, vai beassá gulaskuddat veaháš mo dat dál lea dilli.
Dát fearánat ránnjážiid birra leat dáhpáhuvvan ovtta gilážis, na soaitá vaikke Jergolis, Mázes, Sirpmás dahje Gáivuonas, gii dan diehtá. Ránnjážiin leat goit, nu go ránnjážiin lávejit ge, olu somás ja muhtun eai nu somás dáhpáhusat. Ráhkesvuohta, birgejupmi ja balahahkesvuohta dagahit olu bárttiid giliolbmuide.
Dán jagi beassabehtet gullat nuppádassii juovlakaleandara mii almmuhuvvui juovlamánu 2018.
