Mii son otná luŋkká duohken lea?
Ovdalaš juovllaid soaitá oalle hušša eaige buohkat soaitte háhppehit návddašit dan magiija. Odne leat šurihan Guovdageainnu nieiddain gii Espánnjas orru.
Namma: Máret Sofie Turi
Guovlu: Espánnja
Ahki: 25
1. Maid mearkkašit juovllat dutnje?
– Juovllat lea dat áigi jagis go beasan albmaládje vuoiŋŋastit. Juovllat lea ráfi, ja dalle go smiehtadan movt jahki lea gollan ja maid lean vásihan. De maid liikon govaid bláđet, ja logan áinnas eambbo girjjiid.
2. Mii addá dutnje dan ultimáhta juovladovddu?
– Skábmaáigi, juovlačiŋat ja herskot. Earret eará juovlanásti ja gintalat, bihpporgáhkut ja «gløgga».
3. Buoremus juovlafilbma?
– «Hjemme alene» ja «Die Hard». Lean gal maid álgán geahččat eará filmmaid nai, nu go «Ringenes Herre». Liikon maid Astrid Lindgrens Jul, dat lea nostalgiijalaš.
4. Buoremus juovlabiebmu?
– Lábbá- ja sávzzabiergu, mas vel leat ruotnasat, buđehat ja sevsa.
5. Maid fertet juohke juovllaid bargat?
– Mus eai leat nu garra oaivilat ja vierut. Muhto viesu gal ferten čiŋahit, ja de galget leat rukses ja sáhppes ivnnit čiŋain!
6. Gos dán jagi áiggut juovllaid ávvudit?
– Eatni ja áhči luhtte Guovdageainnus.
