Juogo leat gáhkkegoahtán? Jus it, de geahččal dán vuostágáhku láibut mii orru nu njálggat.
Odne ráhkada goahkka Elle Sáve Gaup-Oskal luomejiekŋavuostágáhku. Videos čájeha ja čilge mo galgá ráhkadit, ja ráhkadanneava lea čállon vuolábeallai video.
Elle Sáve lohká ná dán gáhku birra:
– Jus áiggut guossohit albma njálgga bajáluša, de ávžžuhan dán ráhkadit! Lea hui álki ja sáhtát máŋga beaivvi ovdal juo ráhkadit.
Luomejiekŋavuostágáhkku
Sullii 16 olbmui.
– 150 grámma bihpporgáhkku
– 4,5 dl lákca
– 300 grámma sohkar
– 400 grámma Philadelphia vuostá
– 1,5 deadjabaste vaniljesohkar
– 1 dl luomemuorjemeastu
Čiŋaheapmái:
– Bihpporgáhkkomoalut
– Luomesierát
Ná dagat:
– Molle bihpporgáhkuid ja bija jorba gáhkkofoarpma sisa mas lea 28 cm čađamihttu.
– Fiero lávcca ja sohkkara kreamman.
– Fiero eará lihtis monnefiskadasa, Philadelphia vuostá ja vaniljasohkkara dassážii go eai leat čoalttut ja lea veahá suhkkon.
– Seagut lákcakreamma seaguhusa moaluid ala.
– Bija luopmániid duokkot dákko kreamma ala, seagut luopmániid fiidnát sákkiin.
– Bija gáhku jiekŋaboksii sullii guđa diibmui.
Guossot gáhku jieŋasin dahje beallesuddan.
Sara Risten Susanna Gaup
