Norgga girku dieđiha preassadieđáhusas ahte sin juovlaevangeliuma filbma lea gehččon 400.000 geardde.
– Háliideimmet gaskkustit juovlaevangeliuma nu álkit go vejolaš, nu mo olbmot ieža dan muitalit. Eŋgel muitala iežas buktit illusága olbmuide. Min mielas lei hui buorre go olbmot sáhtte dan lohkat, lohká Norgga girku girkoráđi jođiheaddji Kristin Gunleiksrud Raaum ja gohčoda juovlaevangeliuma teavstta máilmmi čábbámus teakstan.
Dovddus olbmot muitalit
Filbma almmuhuvvui juovlamánu gaskkain. Juovlaevangeliuma lea olbmot geat ledje áigeguovdilat jagis 2019, lohkan.
Leat guokte guđajahkásačča, Olav Thon gii náitalii boarásman beaivái, olbmot geat leat čállán girjji, politihkkarat ja oahpes valáštallit geaid eallin jorggihii borasdávdda geažil.
Eanas nissonat geahččan
Filmma sáhttá geahččat Norgga girku nationála Facebook- siiddus. Dássážii lea dat gehččon 400.000 geardde, ožžon 25.800 jienádeami ja filbmajuohkima. Eanaš nissonolbmot leat geahččan dan, erenoamážit jus lea boarrásat go 40 jagi.
