Gáivuona nuoraidráđđi lea várren 60 000 ruvnno gárrenvuođa eastadeami bargguide.
Dál almmuhuvvojit ruđat gárrenvuođa eastadeami doaimmaide 12-19-jahkásaš mánáid ja nuoraid várás. Gáivuona suohkana nuoraidráđđi ávžžuha eaktodáhtolaš servviid ja ovttastusaid ohcat doarjaga suohtas lágidemiide. Ohcan ferte ollen suohkanii ovdal mánnodaga 25.11.2019 , čállá Gáivuona suohkan.
Sáhttá ohcat doarjaga rusttegiidda gitta kr 5000 rádjái, ja galgá čilgejuvvot manne rusttegiidda lea dárbu doaimma lágideapmái.
Ohccit fertejit deavdit čuovvovaš eavttuid:
1. Váldoohcci galgá eaktodáhtolaš searvi dahje ovttastus
2. Ohcan galgá čilget doaimma sisdoalu ja movt dat lea gárrenvuođa eastadeaddji, galle oasseváldi leat ja man dávjá lágideapmi čađahuvvo. Ruhtadeapmi ja goluid meroštallan galgá maid čuovvut.
3. Doaibma galgá vuosttažettiin gaskal 12- ja 19- jahkásaš mánáide ja nuoraide.
4. Ohcamat mat heivejit mánáide ja nuoraide olggobealde organiserejuvvon doaimmaid vuoruhuvvojit.
5. Doaimmat mat lágiduvvojit vahkkoloahpa vuoruhuvvojit.
6. Doarjaga ii sáhte geavahit jođihangoluide, omd. bálkán jna.
7. Doarjagiin ii galgga oastit divraset rusttegiid.
