-Almmuhus-
OĐĐASATJuolludit ruđa elliid­suodja­leapmái

Juolludit ruđa elliid­suodja­leapmái

-

-

Maŋŋel ráđđehusbellodagaid ja Ovddádusbellodaga bušeahttasoahpamuša ožžot máŋga ođđa politiijaguovllu Norggas ruđa ásahit elliidpolitiija. 

12 miljovnna ruvnno juolludit politijaguovlluide vai besset ásahit elliidpolitiija, dasa lassin oažžu Biebmobearráigeahčču 6 miljovnna ruvnno čuovvut áššiid maid politiijat barget elliid oktavuođas. 

– Elliidsuodjaluslihttu lea bargan guhká dainna, ja mii leat hui movttegat go ráđđehus lea váldán dan duođalaččat. Lea maid earenoamáš dehálaš ahte Biebmobearráigeahčču maid oažžu ruđa, dadjá  Elliidsuodjaluslihtu gulahallanhoavda ja jurista Live Kleveland. 

Dál ožžot guhtta politijaguovllu elliidpolitiija, Oslo, Sørøst, Agder, Møre ja Romsdal, Nordlánda ja Finnmárku. 

Dasa lassin leat Romsii bargame ásahit elliidpolitiija. 

-Almmuhus-