Ruoŧa sámedikkis lea dál vejolaš ohcat ruđaid sámi kultuvrralaš- ja valástallandoaimmaide
Koronapandemiija dihte leat olu sámi kultuvrralaš- ja valastallandoaimmat heaittihuvvon. Dál lea Ruoŧa sámedikkis vejolaš ohcat doarjaga doaimmaide ja aktevrraide geat háliidit fas álggahit ja ovddidit sin kultuvrralaš- ja valástallandoaimmaid.
Sámediggi juolluda oktiibuot 4 miljovnna sámi kultuvrralaš- ja valástallandoaimmaide
– Ohcamušas ferte čilget makkár doaimma lea plánen dan jagis ja bidjat mielddusin bušeahttaplána. Nu čállá Ruoŧa sámediggi iežaset neahttasiiddus. Maŋemus ohcanáigi lea borgemánu 1. beaivvi.
