-Almmuhus-
-Almmuhus-
-Almmuhus-
OĐĐASATJuolludan ruđa dutkat sámi nuoraid psyhkalaš dearvvašvuođa

Juolludan ruđa dutkat sámi nuoraid psyhkalaš dearvvašvuođa

-

-

– Sihke dutkan ja vásáhusat čájehit ahte sámi nuorain leat earálágán hástalusat go eará nuorain. Danne lea dehálaš háhkat eambbo máhtu, lohká sámediggeráđđi Mikkel Eskil Mikkelsen.

Sámedigge doarju prošeavtta man ulbmilin lea kártet sámi nuoraid psyhkalaš dearvvašvuođa.

Sámediggeráđđi lea juo juolludan 280 000 ruvnno prošektii sámi nuoraid psyhkalaš dearvvašvuođa birra, man Mental Helse Ungdom ovttas sámi nuoraidorganisašuvnnaiguin jođiha.
– Sihke dutkan ja vásáhusat čájehit ahte sámi nuorain leat earálágán hástalusat go eará nuorain. Danne lea dehálaš háhkat eambbo máhtu ja čuovvolit doaimmaiguin, lohká sámediggeráđđi Mikkel Eskil Mikkelsen preassadieđáhusas.

Mental Helse Ungdom galgá dán prošeavttas káret ja bidjat johtui eastadandoaimmaid mat nannejit daid beliid mat nannejit sámi nuoraid identitehta ja psyhkalaš dearvvašvuođa.

Kártema mihttun lea háhkat dieđuid mo sámi nuorat vásihit iežaset psyhkalaš dearvvašvuođa, ja makkár suodjalanfáktorat ja riskofáktorat gávdnojit.
 

Mávssolaš dieđut
– Mu mielas lea dát hui buorre prošeakta, ja sámediggeráđi bealis lean ilus go Mental Helse Ungdom háliida bidjat johtui dákkár prošeavtta. Prošeakta boahtá addit mávssolaš dieđuid sámi nuoraid psyhkalaš dearvvašvuođa birra, lohká Mikkelsen.

 

Ovttasbargat sámi organisašuvnnaiguin
Mental Helse Ungdom galgá ovttasbargat sámi nuoraidorganisašuvnnaiguin Noereh, Sámediggi nuoraidpolitihkalaš lávdegottiin ja Sámi našuvnnalaš gealbobálvalusain (SÁNAG)
 

Mikkelsen atná ge dan givrodahkan prošektii go sámi organisašuvnnat ja SÁNAG leat mielde.
– Sii dovdet sámi servodaga, ja sin oassálastin nanne prošeavtta, lohká Mikkelsen.

 

-Almmuhus-