Sámediggi áigu bargat dan ala ahte sihkkarastit dássidis vuostáiváldima vai smávvilguolásteddjiin lea vejolašvuohta diehtit gosa sii sáhttet gáddet guliid iežaset lagasbirrasis. Vuostáiváldinstruktuvra lea deaŧalaš dasa ahte sihkkarastit mariidna buktagiid lassi árvoháhkama mearrasámi guovlluin.
Sámediggi áigu bargat dan ala ahte sihkkarastit dássidis vuostáiváldima vai smávvilguolásteddjiin lea vejolašvuohta diehtit gosa sii sáhttet gáddet guliid iežaset lagasbirrasis. Vuostáiváldinstruktuvra lea deaŧalaš dasa ahte sihkkarastit mariidna buktagiid lassi árvoháhkama mearrasámi guovlluin.
Sámediggeráđđi juolluda 300 duhát ruvnnu guollevuostáiváldimii Láhpis, dieđiha Sámediggi.
– Illudan muitalit ahte sámediggeráđđi lea juolludan doarjaga guollevuostáiváldima ja goikeguolleráju álggaheapmái Bártnatvutnii Láhpis, dadjá sámediggeráđđi Silje Karine Muotka.
Dehálaš guollefatnasiidda
Lea Wiese & Co AS mii lea ožžon juolluduvvot 300 000 ru álggahit guollevuostáiváldima Bártnatvuona boares reahkafabrihkkii gosa sii áigot ásahit guollevuostáiváldima, goikeguolleráju ja divvut bruggarusttega.
– Sámediggeráđđi oaivvilda ahte guollevuostáiváldima infrastruktuvra lea deaŧalaš áŋgiruššansuorgin go dat lea hui deaŧalaš guollefatnasiidda, ja erenoamážit smávit guollefatnasiidda mat leat sorjavaččat das ahte sáhttit gáddet guliid báikkálaččat. Viidáseappot leat guollevuostáiváldinrusttegat hui deaŧalaččat riddo- ja vuotnaservodagaid bisuheapmái ja nannemii, dadjá Muotka.
Guollevuostáiváldima ja guolleráju prošeavtta ásaheami meroštallojuvvon gollorámma lea oktiibuot 1 980 000 ru.
