Ruoŧa Sámedikki kulturlávdegoddi lea juolludan koronaheahtedoarjaga sámi kulturbargiide.
Sámi organisašuvnnat, artisttat, duojárat, girječállit ja filbmadahkkit leat ožžon koronaheahtedoarjagiid, oktiibuot 3,8 miljovnna ovddas. Nu dieđiha Ruoŧa Sámedikki kulturlávdegotti jođiheaddji Ingrid Inga preassadieđáhusas.
Eanemus heahtedoarjaga lea Giron Sámi Teáhter ožžon, 320 916 ruvnna. Songs to Arvas AB fas 310 876 ruvnna, ja Aira Dance Company AB 216 000 ruvnna. Dáiddár Niklas Blindh 200 000 ruvnna ja silbačeahppi Erica Huuva Simma lea 192 359 ruvnna ožžon koronaheahtedoarjjan.
Sámi artisttat geat leat ožžon koronadoarjaga leat Katarina Barruk 125 000, Simon Issát Marainen 163 741, Sara Ajnnak 110 000 ruvnna. SmartSE AB/Anders Rimpi 50 000 ruvnna ja Elin Teluis 100 000 ruvnna.
Duojárat geat leat ožžon koronadoarjaga leat: Sara Svonni 133 246 ruvnna, Liselotte Tapio Pittja 115 114 ruvnna ja Nils-Johan Labba 86 900 ruvnna ja Laila Idivuoma 85 341 ruvnna. Olles listu gávnnat dáppe.
