– Norga dárbbaša eambbo fágabargiid geat sáhttet hukset ođđaáigásaš stáhta. Juohke jagi leat máŋga duháha nuora geain ii leat oahpahallisadji man dárbbašit čađahit joatkkaskuvlla. Danne addit ge fylkkaide ruđa skáhpput eambbo oahppasajiid, lohká Norgga oahpahusministtar Tonje Brenna (BB).
– Fitnodagat dárbbašit ohppiid geat leat bures kvalifiserejuvvon ja geat šaddet buori fágabargin. Oahpahallit dárbbašit ges fitnodagaid geat geavahit návccaid oahpahit nuoraid dassái go fágareivve olahit. Dál juo dahket fylkkat buori barggu, ja mii dáhttut váikkuhit vai nagodit skáhppot vel eambbo oahpahallisajiid, lohká Brenna preassadieđáhus.
Osloi juolluduvvo 33,3 miljovnna ruvnnu. Rogalándii 35,4 miljovnna, Møre ja Romsdalii 20,2 miljovnna, Norlándii 18,1 miljovnna, Vikenii 88,2 miljovnna, Innlandet 25 miljovnna, Vestfold ja Telemárkui 39,5 miljovnna, Agderii 22,3 miljovnna, Vestlándii 46,5 miljovnna, Trøndelágii 32,6 miljovnna ja Romsii ja Finnmárkui 17, 6 miljovnna ruvnnu.
