Oktan eará rekrutterendoaimmaiguin galgá guokte miljovnna ruvnno veahkehit oažžut eanet studeanttaid vuođđoskuvlaoahpaheaddjeohppui.
Nordlánddas, Romssas ja Finnmárkkus leat 590 olbmo geat barget oahpaheaddjin vaikko ii leat dohkkehuvvon oahpaheaddjeoahppu.
Máhttodepartemeanta juolluda dál guokte miljovnna liigeruđa Davvi universitehta ja Romssa universitehta – Norgga Árktalaš universitehta oahpaheaddjerekruterenbargui.
– Buot mánáin galget kvalifiserejuvvon oahpaheaddjit skuvllas, vai mánát leat gergosat dustet boahtteáiggi hástalusaid. Dál lea buorre ovttasbargu Romssa universitehtas ja Davvi universitehtas iešguđetlágan rekrutterendoaimmain davvin. Liigeruhta addo vai skuvllat besset vel eanet bargat rekrutteremiin oažžun dihte eanet studeanttaid vuođđoskuvlaoahpaheaddjeohppui, ja vai studeanttat válljejit sámegiela dahje kvenagiela oassin oahpus, dadjá dutkan- ja alitoahppoministtar Iselin Nybø preassadieđáhusas.
