-Almmuhus-
-Almmuhus-
OĐĐASAT Juohki­gohtet poastta juohke nuppi beaivvi

Juohki­gohtet poastta juohke nuppi beaivvi

-

-

Posten Norge juohkigoahtá reivviid poastakássaide juohke nuppi árgabeaivvi suoidnemánu čihččet beaivvi rájes.

Reivelohku lea geahppánan 70 proseanttain maŋimuš 20 jagi ja dálá ortnet juohkit reivepoastta juohke árgabeaivvi ii leat šat servodatlaš gánnáhahtti. 

– Go juohkigoahtit juohke nuppi árgabeaivvi poastta poastakássaide, de oažžu vuostáiváldi dan guovtti–golmma beaivvi geahčen, nu mo dál, eaige gallis vásit nu stuorra rievdadusaid ođđa ortnegiin. Lea ain vejolaš sáddet reivve viđa geardde vahkus.

Suoidnemánu čihččet beaivvi rájes juohkigoahtit Guovdageainnus poastta poastakássaide vuossárgga, gaskavahku ja bearjadaga ja maŋit vahkus fas maŋŋebárgga ja duorastaga. Reivvet juhkkojuvvojit buohkaide juohke beaivvi geain lea poastaboksa, lohká Nettverk Norge Romssa ja Finnmárkku guovlluhoavda, Thomas A. Henriksen, preassadieđáhusas.

Dán neahtasiiddus sáhttá juohkehaš dárkkistit goas su poastta su poastakássii biddjo: 

https://www.posten.no/levering-av-post-2020

- Advertisement -
-Almmuhus-