Vearrolisttut muitalit olu, ja dan bokte sáhttá geahččat olu, maid man gallis mákset vearu ja man gallis eai.
Vearrolisttut leat almmuhuvvon visot mediaásahusaide, ja aviissain ja neahttaaviissain lea logus man olu guhtege dine, man olu lea opmodat, ja man olu vearu lea máksán.
Logut čájehit ahte Guovdageainnu suohkanis leat 2454 olbmo geat vearu mákset. Sin gaskkas leat 451 olbmo geat eai oba mávsse ge vearu, dahje olles 18,4 proseantta eai mávsse vearu.
Gaskamearálaš sisaboahtu, go vearut ja divadat leat gesson eret, lea 245 979 ruvnno.
Dan čállá vg.no.
Jus Kárášjogain buohtastahttá, de leat doppe 14,3 proseantta geat eai mávsse vearu, dahje 336 olbmo. Doppe lea fas gaskamearálaš sisaboahtu 278 152 ruvnno.
