Einnostuvvo ahte juohkehaš gávppaša 10 850 ruvnno ovddas.
Virke nammasaš juovlagávppašanprognosa einnosta ahte Norggas gávppašit measta 58 miljárda ruvnno ovddas juovlamánus. Dát lea 1,5 proseantta eanet go diibmá, čállá Virke preassadieđáhusas.
Juovlagávppašeami oktavuođas einnostuvvo ahte 25 miljárdda ruvnno manná bibmui ja eará beaivválaš gálvvuide.
– Eai šatta juovllat jus ii leat njálgga biebmu. Olbmot liikojit návddašit veaháš eanet go dábálaččat go leat juovllat, ja oallugat bovdejit gussiid mállásiidda ja festii. Mii áinnas udnot alccemet eanet ja njálgát biepmu juovllaide, dadjá Virke Dagligvare direktevra Ingvill Størksen.
Juovlamánus geavaha juohke ášši gaskamearálaččat 4690 ruvnno bibmui, juhkosiidda ja eará beaivválaš gálvvuide.
