Masá bealli gaskal 13- ja 18-jahkásaš nuorain leat jerrojuvvon sáddet álásgovaid earáide neahtas.
– Olu nuoraide lea leamašan olu áigi leahkit viesus ja lea leamaš olu telefovdnageavaheapmi, ja sii soitet leat vásihan olu man birra eat dieđe neahtas daid maŋimuš mánuid, dadjá Frende Forsikring gulahallanhoavda Heidi Tofterå Slettemoen.
Vaikko masá bealli nuorain muitalit ahte leat jerrojuvvon sáddet álásgova, de leat dušše 12 proseantta geat leat bargan dan, Mediabearráigeahču raportta dieđuid mielde.
Mediabearráigeahču raporta «Mánát ja mediat 2020» čájeha dán:
– 46 proseantta leat jerrojuvvon sáddet álásgova earáide. – 40 proseantta jearaldagain bohtet amas olbmuin. – Njealjis logi olbmos leat ožžon álásgova earáin. – Golmmas logi olbmos leat ožžon seksuálalaš namuheami neahtas maŋimuš jagi.
