-Almmuhus-
OĐĐASATJuohke njealját olmmoš davvin lea árvvoš­tallan leat alko­hola haga mánu

Juohke njealját olmmoš davvin lea árvvoš­tallan leat alko­hola haga mánu

-

-

Dat lea Av-og-til searvvi jođiheaddji mielas buorre ođas.

Juohke njealját olmmoš Finnmárkku ja Romssa fylkkas lea  árvvoštallan bissut mánu alkohola haga. Nu čájeha iskan man Ipsos lea čađahan Av-og-til- searvvi ovddas.

Searvvi váldočálli Ragnhild Kaski lohká dán buorren, ja áigu ieš maid čađahit dákkár mánu.

MOVTTIIDAHTTÁ HILGUT ALKOHOLA:  – Lea buorre ođas go nu olusat Romssas ja Finnmárkkus árvvoštallet mánu leat alkohola haga, dadjá Av-og-til searvvi váldočálli Ragnhild Kaski.
MOVTTIIDAHTTÁ HILGUT ALKOHOLA:  – Lea buorre ođas go nu olusat Romssas ja Finnmárkkus árvvoštallet mánu leat alkohola haga, dadjá Av-og-til searvvi váldočálli Ragnhild Kaski.

– Sávan nu oallugat go vejolaš fuomášit dakkár vilges mánu ovdamuniid. Jus unnida alkoholajuhkama, de oađđá buorebut, oažžu eambbo ávkki hárjehallamis ja immuvdnasuodji nanusmuvvá. Ja dutkan čájeha ahte alkoholakeahtes mánnu dávjá eastada juhkama maŋŋel maid, dadjá Kaski. 

Son deattuha alkoholakeahtes mánnu lea stuora ávkin olbmo dearvvašvuhtii. 

– Dat unnida vára oažžut duođalaš buozanvuođaid nugo borasdávdda, váibmovigiid ja diabetesa, dadjá son ja lasiha ahte alkoholakeahtes mánnu maiddái fuomášuhttá juohkehačča dán fáddái ja nu sáhttá juhkan  guhkit áigge badjel unnut. 

Olles Norggas gal ledje eambbosat geat árvvoštalle dan, namalassii 26 proseantta álbmogis. Romssas ja Finnmárkkus vástidii 24 proseantta  árvvoštallat čađahit dákkár mánu 

-Almmuhus-