-Almmuhus-
OĐĐASATJuohke njealját nisu ii juga ođđajagi­ruohta

Juohke njealját nisu ii juga ođđajagi­ruohta

-

-

44 proseantta nissonolbmuin, geat dábálaččat juhket alkohola, dadjet ahte válljejit alkohola eret jus ávvudit ođđajagiruohta mánáiguin. 

Mánáid searvvis juhket eanet dievddut go nissonat ođđajagiruohta, čájeha Ipsos guorahallan mii lea čađahuvvon Av-og-til organisašuvnna ovddas. 

Guorahallamis leat jearahallan 2775 olbmo alkoholageavaheami birra ođđajagiruohta. 44 proseantta nissonolbmuin, geat dábálaččat juhket alkohola, dadjet ahte eai návddaš alkohola jus ávvudit ođđajagiruohta mánáiguin. Dievdduid searvvis válljejit 33 proseantta eret alkohola jus mánát leat seamma ávvumállásiin. 

Seammás go oallugat eai oba juga ge alkohola mánáid searvvis ođđajagiruohta, de dadjet 20 proseantta nissoniin ja 18 proseantta dievdduin ahte juhket dušše ovtta dahje guokte ovttadaga alkohola mánáid searvvis. 

– Áhččeolbmot berrejit jurdilit

Sin searvvis, geat juhket eanebuš alkohola mánáid searvvis, vástidit 6 proseantta nissoniin ahte juhket gaskal 3-5 ovttadaga ja okta proseantta ges juhká badjel guhtta ovttadaga. Dievdduid bealis juhket 13 proseantta gaskal 3-5 ovttadaga ja 9 proseantta eanet go guhtta ovttadaga. 

Av-og-til váldočálli Randi Hagen Eriksrud oaivvilda ahte áhččeolbmot berrejit jurdilit veahá go oidnet guorahallama bohtosiid. 

– Olu mánát gohcet guhkebuš ođđajagiruohta, ja dalle fertet diehtit goas manná rádjá alkoholageavaheamis. Ollesolbmuide mearkkaša ahte alkoholas lea buorre effeakta go boagustišgoahtá jitnoseappot ja olmmoš veahá garihuvvagoahtá, muhto dát sáhttá leat unohas ja issoras mánáide, dadjá Eriksrud.

(©NTB)

-Almmuhus-