-Almmuhus-
-Almmuhus-
OĐĐASAT Juohke njealját mánná ii dolvo­ juvvon mánáid­ gárdái

Juohke njealját mánná ii dolvo­ juvvon mánáid­ gárdái

-

-

Olu váhnemat doalahedje mánáid ruovttus maŋŋel go mánáidgárddit rahppojedje fas. Olu gávpotosiin Oslos dolvo dušše beali mánáin mánáidgárdái. Oahppoministtar vuorjašuvvá.

Oahpahusdirektoráhtta lea dutkan jávkandilálašvuođa measta 5500 mánáidgárddis Norggas – 97 proseantta riikka mánáidgárddiid.

Dutkan čájeha ahte oallugat leat válljen doalahit máná ruovttus vaikke mánáidgárddit rahppojedje 18. vahkku. Váldosivva lei ahte nubbi dahje goappašat váhnemat leigga ruovttus, direktoráhta dieđuid mielde.

Buot mánáidgárddit Norggas ledje gitta buot mánáide gaskal njukčamánu 16. beaivvis cuoŋománu 27. beaivái. Dušše mánát geain váhnemat bargaba kritihkalaš servvodatdoaimmain ožžo fálaldaga.

– Mun vuorjašuvan go gulan ahte nu olu mánát ledje ruovttus vuosttaš áigge go rahppui fas. Lihkus bohte eatnašat ruovttoluotta áiggi mielde. Vaikke njoammundilálašvuohta ii leat seamma dál go lei juste ovdal geasi, sávan ahte váhnemat ain sáddejit mánáid mánáidgárdái ja ahte sii vásihit ahte lea oadjebas, dadjá oahppo- ja integrerenministtar Guri Melbye (Olgeš).

Ledje unnit mánát geain lea minoritehtaduogáš geat bohte ruovttoluotta mánáidgárdái go rahppui, ja 43 proseantta ledje ruovttus nuppi vahkku. Geassemánus ledje 90 proseantta ruovttoluotta.

©NTB

-Almmuhus-