-Almmuhus-
OĐĐASATJuohke njealját lea oaidnán gárren­olbmo mánáid searvvis juovllaid

Juohke njealját lea oaidnán gárren­olbmo mánáid searvvis juovllaid

-

-

Juovlamánus juhket norgalaččat eanemus alkohola, seammás ovttastallat eanet bearrašiin. 

Romssas ja Finnmárkkus vástidit 27 proseantta ahte leat maŋimuš guovtti jagis oaidnán gárrenolbmuid mánáid searvvis juovllaid. Nu čájeha Ipsos guorahallan man leat čađahan Av-og-til organisašuvnna ovddas. 

– Dát addá heajos mánnávuođamuittuid. Juohke áidna skuvlaluohkás gávdno mánná dahje mánát geat ballet ovdal juovlaluomu. Sii oainnat muitet ahte váhnemat lávejit juhkat juovllaid, ja dalle ballagohtet dáhpáhuvvá go dat seamma dán jagi maid, lohká Av-og-til váldočálli Ragnhild Kaski. 

Guorahallamii serve 147 romsalačča ja finnmárkulačča. Riikka dásis serve 2673 olbmo seamma guorahallamii, ja das vástidit 26 proseantta ahte leat oaidnán gárrenolbmuid mánáid searvvis juovllaid. 

Daga juoidá máná ovddas

Kaski muitala ahte dan maid ollesolbmot vásihit hávskin sáhttá issorassan mánáide.

– Mánát eai dovdda oadjebassan go ollesolbmot juhket alkohola. Dat guoská eanaš mánáide, ja erenomážit daid mánáide geat vásihit ahte eadni dahje áhčči juhke menddo olu, lohká son. 

Su mielas lea dehálaš olbmot šaddet čeahpibun reageret jus oidnet ahte ollesolbmot gárihuvvet mánáid searvvis. 

– Soaitá unohas dadjalit earáide ahte dál lea áigi bisánit, muhto seammás lea deháleamos čuovvut iežas dovddu ja dahkat juoidá máná ovddas. Menddo olu mánát oainnat gillájit ja ollesolbmot eai reagere, lohká son.  

-Almmuhus-