Servodatsihkkarvuođa ja gearggusvuođa direktoráhtas ávžžuhit eambbosiid ráhkkanit kriisadillái.
Juohke njealját norgalaččas lea gearggusvuođarádju ruovttus vai birgešii moadde jándora jus kriisadilli čuožžila, čájeha InFact guorahallan mii lea čađahuvvon Nationen aviissa ovddas.
– Olu eambbosiin galggašii gearggusvuođarádju, ja mii gal ávžžuhit buot dállodoaluid ráhkkanit nu ahte livččii birget ruovttus golbma beaivvi, dadjá servodatsihkkarvuođa ja gearggusvuođa direktoráhta gulahallandirektevra Agnar Christensen Nationen aviisii.
Christensen geažuha ahte stuorámus hástalus lea ahte dállodoaluin ii leat doarvái čáhci jus dasa šattašii dárbu. Direktoráhta ávžžuhus lea ahte juohke olbmo nammii galggašii rehkenastit ovcci lihttara čázi.
Dás sáhtát oaidnit makkár eará ávžžuhusat leat gearggusvuođaráju ektui.
(©NTB)
