Sivvan go juohke goalmmát mánná sáhtostallo skuvlii, lea várálaš skuvlageaidnu, čájeha ođđa dutkkus.
Nubbi sivva go mánáid dolvot biillain, lea go váhnemat galget seamma guvlui, čájeha guorahallan man InFact lea NAF ovddas čađahan váhnemiid gaskkas geain leat skuvlamánát.
– Go lea válga sáddet mánáid skuvlaluoddaráigge seammás go váibmu lea čottamáddagis, dahje doalvut sin skuvlii, de leat ollugat geat válljejit vuojihit mánáid, lohká NAF gulahallanhoavda Camilla Ryste.
Guorahallamis boahtá maid ovdan ahte ii leat dušše váttisvuođaid haga go nu ollugat válljejit doalvut mánáid skuvlii.
Measta bealli, 47 proseantta, vástidit ahte leat vásihan várálašvuođaid mat šaddet juste dan dihte go váhnemat dolvot mánáid skuvlii.
– Leat olu váhnemat geat válljejit vuojihit mánáid skuvlii ja geat dihtet ahte sáhttet šaddat várálaš dillái, muhto leat ollugat geat válljejit dahkat dan dan dihte go lea álki dahje go skuvlageaidnu lea várálaš. (©NTB)
