Divrras bátnedikšu dagaha ahte oallugat eai fina bátnedoaktára luhtte.
Divrras bátnedikšu dagaha ahte oallugat eai fina bátnedoaktára luhtte.
Juohke goalmmát norgalaš maŋida dahje šluhtte fitnamis bátnedoaktára luhtte divrašit bátnedivššu dihte, čájeha ođđa guorahallan.
Masá bealli sis geat dinejit vuollel 300 000 ruvnnu vástidit ahte eai leat fitnan bátnedoaktára luhtte ekonomalaš sivaid geažil, čájeha Opinion iskkadeapmi mii lea čađahuvvon FriFagbevegelse.no ja Dagsavisen ovddas.
– Eahpitkeahttá lea divrras fitnat bátnedoaktára luhtte, ja lea maiddái divrras jođihit bátnedivššohagaid. Danin berrešedje eiseválddit váldit eanet ovddasvástádusa olggosgoluid ektui vai olbmot oččoše dárbbašlaš bátnedivššu, lohká Oslo universitehta odontologalaš fakultehta dekána ja professor Pål Barkvoll FriFagbevegelse.no:i.
Oktiibuot serve 1003 olbmo guorahallamii mii lea čađahuvvon mannan vahkkus, ja 33 proseantta sis dadjet ahte leat maŋidan dahje šlutten bátnedivššu go lea menddo divrras.
Dasa lassin vástidit 14 proseantta ahte leat gártan váldit loana vai suitet fitnat bátnedoaktára divššus.
(©NTB)
