Oslos dieđihit masá beali eambbo koronabuohcci olbmuin ahte eai dieđe gos korona lea sidjiide njommon, buohtastahtton muđui riikkain.
Ođđa logut Oslo gielddas čájehit ahte goalmmádasoassi easkka njommojuvvon olbmuin oaivegávpogis lea dávda njommon amas báikkis, čállá NRK.
Dat lea menddo allat, oaivvilda dearvvašvuođagávpotráđđi Robert Steen (Bb).
– Jos diehtá njoammunbáikki, de manná njoammunguorahallan njuovžilabbot. Jos ii dieđe gos lea njommon, ferte njoammunohcanjoavku geavahit eambbo resurssaid gávnnahit gos njoammunguovllut leat leamašan, dadjá Steen NRK:i.
Riikkadásis dieđihit 18 proseantta koronanjommojuvvon olbmuin ahte eai dieđe gos dávda lea njommon, Álbmotdearvvašvuođa vahkkoraporta dieđuid mielde.
Lea dábálamos ahte dávda njoammu priváhta stobuin, ja de priváhta doaluin, barggus ja oahppoásahusain nugo universitehtas.
(©NTB)
