Ođđa raporta čájeha ahte nuoraidskuvllas lea juohke 20. oahppi vásihan roavva veahkaválddi váhnemiin.
Gaskavahkku almmuhuvvo ođđa raporta mii čájeha ahte juhke guoktelogát mánná lea vásihan ahte váhnen juogo čiekčá, hušku garra diŋggain dahje cábmá su.
Raporta lea čállon dutkiin veagalválddi ja traumáhtalaš streassa nationála diehtoguovddážis (NKVTS).
Mielddisbuktá eará áššiid
Badjel bealli nuorain geat mánnávuođas vásihit dákkár daguid, leat maid psyhkalaš veahkaválddi vásihan. Raporttas maid boahtá ovdán ahte jus ruovttus vásiha doaruheami, de lea badjel golmma geardde stuorát várra vásihit seksuálalaš veagalváldima earáin seamma agis.
– Go vásiha veahkaválddálašvuođa, de lea hárve dušše okta vissis vuohki čatnasan dasa. Dan dihte lea dehálaš geahččat ollislaš gova go guorahallá veahkaválddi mánáid ja nuoraid gaskka, muitala Gertrud Sofie Hafstad, gii leat dutki ja prošeaktajođiheaddji NKVTS-guovddážis.
Vel eambbo logut
Raporttas boahtá ovdán ahte measta juohke logát lea oaidnán oappá dahje vielja doaruhuvvome ruovttus. Juohke viđát lea ges vásihan ahte váhnen duhkoštallá, cikcu, šluvgá dahje speažžu su. Dán čállá NTB.
