Guovdageainnu Lagasradio lea ožžon oktiibuot 146 000 ruvnno Mediabearráigeahčus.
Mediabearráigeahčču lea juohkán 8,2 miljovnna ruvnno báikkálaš rádioide, mas 4,4 miljovnna ruvnno manná gokčat báikkálaš rádioid DAB olggosgoluid.
– Báikkálaš rádioin lea čavga ekonomiija, ja doarjja galgá leat veahkkin nu ahte báikkálaš rádiot sáhttet fállat prográmmasisdoallu DAB:s, dadjá Mediabearráigeahču juridihkalas regulatoralaš ossodaga direktevra Hanne Nistad Sekkelsten.
GLR ožžon doarjaga
Guovdageainnu Lagasradio (GLR) lea ožžon gealboloktemii 28 100 ruvnno, GLR lea ožžon doarjaga go háliidit oahppat mo galget geavahit ođđaáigásaš software ja govvabuvttadeami báikkálaš rádios. GLR lea maid ožžon 75 000 ruvnno go lea minoritehtarádio, ja dasa lassin leat vel ožžon 50 000 ruvnno go leat šaddan digitaliseret ja doaimmahot DAB.
Mediabearráigeahčču lea oktiibuot juolludan GLR:i 146 800 ruvnno.
