Solju sála Anáris lei dievva go sátnefriddjavuođapaneladigaštallan lágiduvvui ja oktasaš vásáhusaid juogadedje maid eamiálbmogat leat vásihan.
Solju sála Anáris lei dievva go sátnefriddjavuođapaneladigaštallan lágiduvvui ja oktasaš vásáhusaid juogadedje maid eamiálbmogat leat vásihan.
Sápmelaš dáiddár Sofia Jannok, Standing Rock -bagadalli Michelle Latimer, ImagineNATIVE -festivála dáiddalaš hoavda Jason Ryle ja Métis-dáiddar Terril Calder ságastalle makkár bargoneavvu filbma lea eamiálbmogiid ja váldoálbmogiid servodagaid dekoloniseremis ja mo sámiid sátnefriijavuohta Suomas lea áitojuvvon, muitala Skábmagovat preassadieđáhusas.
Oktasaš ságastallanforum
Skábmagovaid ulbmilin lea fállat sámiide ja eará álgoálbmogiidda foruma, gos lea vejolaš juohkit vásáhusaid ja hállat dieid birra.
Panela oassálasti Terril Calder bagadallan animašuvdna, SNIP, gieđahalai internáhttaáiggiid, mat leat dehálaš oasis maiddai Amanda Kernell «Sámevarra» -ealligovas.
Eamiálbmogiid gaskasaš solidaritehta
Ovttaskas vásáhusaid juohkin bođii hui konkrehtalaččat ovdii teahtta panela loahpas, go oassálastiide čájehuvvui govaid Miss Helsinki -gilvvuid oassálastiin, geat ledje coggan dolgegahpirlágan gahpiriid.
Álgoálggus, go govat ihte almmolašvuhtii, imaštalle soames láttanat, manin muhtun sámit loavkašuvvet govain, vaikke diein ii lean sáhka sámekultuvrras.
Áššis lei sáhka eamiálbmogiid gaskasaš solidaritehtas, mas panela ge lei ovttaoaivilis.
– Jus mii eat bealuš nubbi nuppiid, gii dan dahká, jearrá Skábmagovat loahpas.
