– Báikkálaš johtolatsihkarvuođa bargu lea dehálaš jus galgá unnidit roasmmohuvvanloguid johtolagas. Danne áigut mii gudnejahttit suohkaniid mat dahket erenomáš buori barggu ja mii loktet sin ovdagovvan earáide, muitala johtolatministtar Ketil Solvik-Olsen.
– Báikkálaš johtolatsihkarvuođa bargu lea dehálaš jus galgá unnidit roasmmohuvvanloguid johtolagas. Danne áigut mii gudnejahttit suohkaniid mat dahket erenomáš buori barggu ja mii loktet sin ovdagovvan earáide, muitala johtolatministtar Ketil Solvik-Olsen.
Mihttu bálkkašumiin lea buoridit johtolatsihkarvuođa ja movttiidahttit vel buoret johtolatsihkarvuođabargguid dahkat báikkálaččat. Dán jagi ovddas lea bálkkašupmi 1 000 000 ruvnno ja galgá mannat dan suohkanii mii sáhttá čájehit buori johtolatsihkarvuođabarggu ja ahte leat buorit plánat viidáset bargguide.
Nammadanbargu
Johtolatdepartemeanta sádde dál bovdehusaid buot fylkkasuohkaniidda ja sihtá nammadit ovtta dahje guokte suohkana mat leat erenomáš barggu dahkan.
Stáda geaidnodoaimmahat hálddaša ortnega ja doaimmaha viidáset nammadeami. Lea Johtolatdepartemeanta mii loahpaloahpas mearrida ovttasráđiid johtolatsihkarvuođalávdegottiin.
Ovddit jagiid vuoiti
Lea viđat geardde go johtolatdepartemeanta juohká bálkkašumi «Dán jagáš johtolatsihkarvuođasuohkan». 2015:s oaččui Áltá dan bálkkašumi, 2014:s lei Bådådjo suohkan, 2013:s juogadedje Austrheim ja Lindås suohkanat ja 2012:s oaččui Nøtterøy suohkan.
