Finnmárkku politiija dieđiha Twitteris ahte juhkan almmái muosehuhtii olbmuid Leavnnja guovddášbáikkis gaskavahkku.
Dán čálle politiijat badjelaš diibmu ovttas gaskavahkku:
– Juhkan almmái rahkadii váttisvuođaid buvdda olggobealde Leavnnja guovddášbáikkis. Politiijat leat mannan báikái iskat mii lea váttisvuohta.
Veahá maŋŋil dieđihedje fas politiijat ahte almmái galgá leat suoládan iešguđetlágan gálvvuid.
– Sihke Spar borramušgávppis ja viidnagávppis. Viidnagávppis lei suoládan ovtta bohtala Cognac buolliviinni. Mii dutkat albmá ja vuolggahat ášši dás. Almmái gohččojuvvui guođđit márkanguovddáža.
