Finnmárkku politiija dieđiha Twitter neahttabáikkis iežaset barggu birra maŋimuš jándora.
Álttás finai politiija viežžamin muhtin albmá 60 jagiin muhtin borramuš buvddas, veaháš ovdalaš go buvdda giddejedje. Son lei hirbmat juhkan buvddas ja jugai olbmuid oidnosis vodkabohtalis ja váivvidii kundariid iežas láhttenvugiin. Ii ge son lean ovttaoaivilis politiijain go bohte su viežžat.
Son biddjui politiija juhkanvuođagiddagassii čielgat.
Porsáŋggus
Porsáŋggus dárkkistii geaidnopolitiija johtolatleavttu Čuđegiettis, gokko lea lohpi dušše 60 km/t vuodjit. Gávccis vudje menddo johtilit ja sáhkohalle. Johtileamos leaktu lei 78 km/t dán báikkis.
