-Almmuhus-
OĐĐASATJorga­lan mánáid- ja nuoraid­girjji davvi­sáme­gillii

Jorga­lan mánáid- ja nuoraid­girjji davvi­sáme­gillii

-

-

Sámi ráppár Áilu Valle lea veahkehan Sámedikki jorgalit girjji «Diary of Wimpy Kid» davvisámegillii. Girji gávdno maid anár- ja nuortasámegillii.

Girječálli Jeff Kinney vuosttaš ráidogovvaromána «Diary of Wimpy Kid» lea dál almmuhuvvon davvi-, anár- ja nuortasámegillii. Dát girji leamaš máŋggaid jagiid Amerihkás dat girji mii johtá buoremusat. Dál dán girjji beassá lohkat maiddái sámegillii, čuožžu Suoma Sámedikki neahttasiiddus.

Davvisámegillii lea Áilu Valle jorgalan girjji, anársámegillii ges Mikkâl Morottaja ja nuortasámegillii Raija Lehtola.

Jáhkká ahte nuorat liikojit lohkat dán girjji

– Jus oaivvildat ahte manin dát girji lea válljejuvvon, de in máhte vástidit. Jus oaivvildat ahte manin mun lean jorgalan girjji davvisámegillii, de jáhkán ahte nuorat liikojit lohkat dán girjji. Ulbmil leamaš fállat nuoraide gelddolaš ja hearvás lohkamuša davvisámegillii, muitala  Áilu Valle.

Jierpmástalli beaivegirji lea Áilu Valle jorgalan davvisámegillii. Šearbmagovva.
Jierpmástalli beaivegirji lea Áilu Valle jorgalan davvisámegillii. Šearbmagovva.

Son muitala ahte lea gelddolaš jorgalit girjjiid sámegillii.

– Lea gelddolaš. Sávan ahte lohkkit návddašit girjji maid davvisámegillii. Vuosttas virggálaš jorgalusa ožžon gárvvisin 2007:s. Jorgaleimme Sámmol Lukkariin skuvlii oahppogirjjiid, ležžetgo son lean birasdieđu ja kemiija girjjit, dadjá Valle.

Ádjánii golbma mánu

Moadde golbma mánotbaji ádjánii mu oassi barggus. Vásihin ahte lei buorre dustet somás hástalusa. Girjjis lea nuoraid giella ja hearvás dadjanvuogit, muitala Valle.

Son muitala ahte ii leat ovdal lohkan girji. – Muhto liikostin čálli hearvás stiilii gal oalle seammás go lohkagohten, dadjá son.

Ovdal jorgalan Sámedikki ovddas girjji.

– Suoma Sámedikki skuvlen- ja oahppomateriáladoaimmahat mu bivddii jorgalit. Sin bivdagis lean ovdalge jorgalan girjjiid, maiddái dan vuosttas virggálaš jorgalusa, man ovdalis máinnašin. Lea hui dehálaš ahte Sámediggi fuolaha lohkkiide sámegielat materiálaid, dadjá Valle.

Sáhttá go dákkár bargu veahkehit lávlagiid čállimis?

– Dákkár čállinbargu lea álo ovdamunnin čállimis. Sátnerádju riggu, ja seammás viidot geahččanguovllut das mo giela sáhttá geavahit, dadjá Valle.

-Almmuhus-