-Almmuhus-
-Almmuhus-
-Almmuhus-
OĐĐASAT«Joint Viking» -hárjehallan Finnmárkkus

«Joint Viking» -hárjehallan Finnmárkkus

-

-

Norgga Suodjalus galgá dálvet hárjehallat Finnmárkkus. Birrasii 10 000 soalddáha, golmma riikkas, servet hárjehallamii.

Suodjalus lea ráhkkaneame militearahárjehallamii Finnmárkkus. Hárjehallan galgá leat álgomuttus njukčamánu, ja bistá beannot vahkku.

Hárjehallan lea Álttá, Leavnnja ja Kárášjoga guovllus. Váldoguovlu hárjehallamis lea E6 lahkosis Leavnnja ja Álttá gaskkas.

 

Suodjalus dieđiha preassadieđáhusas ahte váldoulbmil lea hárjehallat heahtegearggusvuođa ja suodjalit Norgga. Hárjehusa namma lea «Joint Viking». Eanemus aktivitehta lea gaskal cuoŋománu 9. ja 15. beaivvi.

 

10 000 soalddáha

Boahtte vahkku muitala Suodjalusa eambbo hárjehallama birra.

Suodjalusa neahttasiiddus čállet ahte galget 10 000 soalddáha mielde hárjehallamis. Eai leat dušše Norgga soalddáhat.

Suodjalus lea bovden Brihta ja Amerihká suodjalusaid searvat hárjehallamii. Sii álget veaháš ovdal hárjehallat, vai hárjánit galbmasis leahkit.

-Almmuhus-