-Almmuhus-
-Almmuhus-
MAGASIIDNAJoikikála Ubmái

Joikikála Ubmái

Journalista

-

-

Ubmi suohkana kulturossodat lea almmuhan iežaset giđđaprográmma. Olu kultuvrralaš dáhpáhusat, ja daid searvvis lea sámi joikikála.

Åarjelhsaemien Teatere bihttá «Plupp» lea oassin «Väven» giđđakulturprográmmas, Ubmi suohkanis. Väven lea stuora kulturviessu. Diibmá ledje 1480 aktivitehta Vävenis.

 

Joikikála oassin prográmmas
Gaskavahkku almmuhuvvui oassi giđa prográmmas. Prográmmas leat earret eará Balkanparty, Kee Marcello Band, Jo Nesbö, Jonas Bonnier, Finland 100 jagi ja Panorama.

Joikikála, nu movt teáhterbihttá maid gohčoduvvo, lea teáhterčájálmas Plupp birrá. Das nektet Nils Rune Utsi, Hilde Stensland ja Marte Fjellheim Sarre.

– Dál lea goalmmát jahki go mis lea prográmma Vävenis. Mii leat álggahan mátkki, ja lea mannan bures. Diibmá ledje olu fálaldagat Ubmi ássiide. Väven-lávdi lea šaddan eambbo ja eambbo bivnnuhin, go olbmot leat oahpásnuvvan dasa, lohká prográmmahoavda Anna Jirstrand Sandlund.

 

Suopma čuođi jagi

Eará stuora kulturdáhpáhusat leat Suoma ávvudoalut. Ubmi suohkan fállá čuođi iešguđet kulturvásáhusa, ávvun Suoma čuođi jagi iehčanasvuođas.

-Almmuhus-