-Almmuhus-
OĐĐASATJohtolagas lei 2020 earenoamáš buorre jahki

Johtolagas lei 2020 earenoamáš buorre jahki

-

-

Trygg Trafikk ii leat registreren ná unnán jápminlihkohisvuođaid johtolagas 1947 rájes.

2020 sáhttá gohčodit vaikke man heajos jahkin sihke korona dihte, ja maid eará roasuid dihte, muhto johtolaga dáfus lea earenomáš buorre jahki leamašan.

Trygg Trafikk lea registreren jápminlihkohisvuođaid johtolagas 1947 rájes, ja sii eai leat dan rájes registreren ná unnán jápminlihkohisvuođaid go 2020:s.

Vaikke leat 95 olbmo duššan johtolatlihkohisvuođain dán jagi, de eai leat nu unnán duššan johtolagas dan rájes go leat álgán registreret dan 1947:s.

Lea maid vuosttaš geardde go leat registreren vuollel 100 jápminlihkohisvuođa johtolagas Norggas.

Dievddut eanemus

Leat 78 dievdoolbmo ja 17 nissonolbmo geat leat duššan johtolagas mannan jagi.

Leat maid niedjan logut dan dáfus galle olbmo duššan leat go leat biillain vuodján dahje leamašan mielde.

54 olbmo dušše vuojidettiin johtolagas. Jus buohtastahttá 2019 jagiin, de ledje 71 olbmo geat dušše.

Trygg Trafikk čállá ahte dat dieđusge de muitala ahte earát johtolagas leat dađibahábut eambbo lihkoheamit leamašan. Earret eará leat 20:s mohtorsihkkeliin duššan 2020:s.

-Almmuhus-