-Almmuhus-
-Almmuhus-
SMÁVVAOĐĐASATJohnsen háliida jođihit skuvlla

Johnsen háliida jođihit skuvlla

-

-

Kárášjoga gielda lea dál almmuhan rektorvirggi almmolaš ohcanlisttu. 

Kárášjoga skuvlla rektorvirggi ohcanáigemearri dievai borgemánu 1. beaivvi. 

Dušše okta lea ohcan virgái, ja dál lea gielda almmuhan almmolaš ohcanlisttu. 

Kárášjohkalaš Berit Johnsen (57) lea ohcan rektorvirggi. Son lea oahppan oahpaheaddji ja bargá 50 proseantta virggis «Boahttevaš Kárášjohka» prošeavttas. Son ozai rektorvirgái diibmá maid go Kárášjoga gielda mearridii virgádit Sissel Gaupa gii luobai barggustis go skuvlajahki nogai. 

Kárášjoga gielda lea mearridan guhkidit ohcanáigemeari rektorvirgái go dáhttot buoret árvvoštallanvuođu go virgádit ođđa jođiheaddji skuvlii. 

-Almmuhus-