OĐĐASAT Johan Vasara ođđa stivrajođiheaddji

Johan Vasara ođđa stivrajođiheaddji

-

-

 Johan Ailo Kalstad lea leamaš RiddoDuottarMuseaid stivrajođiheaddji mesta njeallje jagi. Dál son lea válljen heaitit ja Johan Vasara álgá ođđa stivrajođiheaddjin.

RiddoDuottarMuseat preassadieđáhusas čállet maiddái ahte Johan Vasara lea doaibman Guovdageainnu sátnejođiheaddjin maŋemus válgaáigodagas ja son lea buori barggu doaimmahan. Vasara dovdá RDM doaimma go lea bargan suohkanis ja maiddái go lea sámediggepolitihkkárin bargan. RDM illuda bargat ja hukset organisašuvnna. 

Ain ollu potensiála 

RiddoDuottarMuseain lea ain ollu geavatkeahtes postensiála ja galgá nannet ovttasbarggu Sámedikkiin, suohkaniin ja eara instánssaiguin. 

Oažžut čájahusa ruoktot 

RDM muitala maiddái pressadieđáhusas ahte leat  jođus Sámi dáiddamusea vejolašvuođaguorahallanproseassain ja ahte livččii hállu ja áigumuš oažžut Bååstede čoakkáldaga ruoktot gosa dat gullá. 

Buori barggu bargan 

Kalstad, gii lea heaitime stivrajođiheaddjin, lea bargan buori barggu lossa strategiijabargguid ja nuppástuhttinbarggud dáfus, dieđiha RDM. Dat lea dagahan ahte RiddoDuottarMuseain lea buorre vuođđu ovddidit organisašuvnna. 

Joatká virggis

Direktevra Anne May Olli joatká virggis go lea fállojuvvon mearreáigebargu, ja son áigu joatkit RiddoDuottarMuseaid buori ja positiiva barggu ovttas  ođđa stivrajođiheddjiin.  

- Advertisement -