Jon-Ándin, Ovlla Johan Ovllá Johan Ánte, deavdá 90 jagi čakčamánu 25. b. Mii sávvat hui olu lihku sutnje su stuora beaivái, ja buot buori ja Ipmila buressivdnádusa boahtteáigái.
Mii leat nu giitevaččat go mis lea máilmmi buoremus áhčči ja ahte don leat ain nu heavskkálaš, viššalit muitalat ovddeš áiggiid fearániid, orohaga báikkiid ja boazodoalu birra, giela, ja min soga ovddit buolvvaid birra, ja ollu eambbo. Ja don ain nevvodat Ipmil sátnái ja jus lea sálbmanuohtta man eat máhte, de ii leat go jearralit áhčis.
Vaikko dus leat barggut ja hommát ruovttus juohke beaivvi, de asttat goitge minguin čohkkedit humadit go fitnat du luhtte.
Mii ávvudit du stuora beaivvi lávvordaga, čakčamánu 28 b. ruovttus Guovdageainnus, Ávžžiluodda 4:s ja sávvat fulkkiide ja oahppásiidda váimmolaš bures boahtima ávvudeapmái!
Lihkusávaldagat du mánáin, áddjubiin, máttaráddjubiin, vivain, manjis, mannjesásas, vivvatbealis, vivvatbealsásain ja manjetbealsásain.
