Romssa ja Finnmárkku fylkkagieldda lea jorggihan, ja oahppit besset vuolgit skuvlii vuossárgga.
Romssa ja Finnmárkku fylkkamánni lea árvvoštallan ahte Fylkkagielda ii sáhte ásahit doaimma ahte buot Romssa ja Finnmárkku joatkkaskuvllaid oahppit galget oažžut digitála oahpahusa guokte vahku ovddos guvlui, Fylkkagielddas ii leat vuođđu dan dahkat covid-19 láhkanjuolggadusa § 12 c mielde.
Dákkár doaibmabijuid sáhttet dušše njoammuneastadaneiseválddit álggahit.
– Mii leimmet mearridan dán vai hehttet dávdda njoammumis Romssas ja Finnmárkkus, ja das ii leat makkárge árvofápmu dán doaibmabijus. Dan dihte heaittihit dan dakkaviđe. Dat mearkkaša ahte buot oahppit geat eai leat erremis sáhttet vuolgit skuvlii nugo dábálaččat vuossárgga skábmamánu 9. beaivvi, dadjá Romssa ja Finnmárkku fylkkagieldda gelbbolašvuođa ja ealáhusa divišuvdnadirektevra Børre Krudtå, sin preassadieđáhusas.
