Guovdageaidnulaš válljejuvvui ođđasit Sámi girkoráđi jođiheaddjin.
Bearjadaga válljejuvvui ođđa Sámi girkoráđđi boahtte áigodahkii. Sara Ellen Anne Eira lea jođihan girkoráđi 2016 rájes, ja joatká jođiheaddjin 2024 rádjái, dieđihuvvo Norgga girku neahttasiiddus. Doppe maid muitala ahte son lea oahppan ollu daid jagiid go lea leamaš ámmáhis.
– Jođihit Sámi girkoráđi mearkkaša munnje leat dat gii ovddida sámi girkoeallima. Dat ii leat álkes bargu, muhto mun dovddan ahte lean ovdánan barggus daid jagiid go lean leamaš ámmáhis, muitala Sara Ellen Anne Eira Norgga girku neahttasiiddu dieđuid mielde.
Eará lahtut leat John Harald Skum, Margareth Ranberg, Oddvin Leine Bientie ja May Bente Anita Jönsson.
Sámi girkoráđđi ásahuvvui Girkočoahkkimis 1992:s. Ráđi ulbmil lea ovddidit, suddjet ja ovttastahttit sámi girkoeallima Norgga girkus, ja áimmahuššat eamiálbmotáššiid Norgga girku bealis.
