Otná gielddastivračoahkkimis Johkamohkis jienastii gieldda eanetlohku vuostá ratifiseret ILO 169.
Otná gielddastivračoahkkimis Johkamohkis jienastii gieldda eanetlohku vuostá ratifiseret ILO 169.
Henrik Blind ovddasta gávppotstivrra Birasbellodaga ovddas, ja su dieđuid vuođul lei jurdda ahte Johkamohki gielda galggai leat ovdavázzin ja čájehit geainnu Ruoŧa ráđđehussii, čállá Sameradion & SVT Sápmi.
– Mii doarjut evttohusa, danin go lea parlameanta ja ráđđehus mat duođai guddet váttisvuođa, muhto eai goassige daga mearrádusa. Livččii buorre jus Johkamohki gielda livččii ratifiseren ILO 169, go gielda bijdá dalle deattu parlamentii ja ráđđehusii dahkat dan seamma, muitala Henrik Blind.
Birasbellodat, Sámi gáivo, Gurutbellodat ja Liberálalaš bellodatdorjo evttohusa, muhto dat ii lean doarvái. Gielddastivrra eanetlohku jienastedje vuostá.
