Sámeálbmot Bellodat massii vuot beali Kárášjoga gielddastivrra áirasiin, nu ahte boahtte áigodagas báhcá John Nystad okto.
Sámeálbmot Bellodat massii vuot beali Kárášjoga gielddastivrra áirasiin, nu ahte boahtte áigodagas báhcá John Nystad okto.
Ii ge Nystad čiegat ahte son lea beahtahallan. 2007 válggas ledje sis njeallje áirasa ja 2011:s ges guokte ja dál lea báhcán vel okto.
– Dat čájeha ahte stuorra dáčča bellodagat báidnet jienasteddjiid maiddái sámegielddain. Ii ge sámelihkadus leat šat nu ealas go ovdal. Nu ahte jienasteaddjit orrot duhtame «light-sámepolitihkkii, dadjá Nystad.
Besset válljet
Nystad lohká maiddái ahte sáhttet ain smávit rievdadusat boahtit, muhto ii jáhke bearehaga rievdat.
– Dan goit oainnán ahte Bargiidbellodat lea dakkár posišuvnnas ahte oažžu álggahit ovttasbarggu ollu molssaeavttuiguin. Šaddá dieđus nu ahte dat geat gáibidit unnimus, de daiguin álggahit ovttasbarggu, dadjá John Nystad.
