Dainna Sámiráđis háliidit gudnejahttit su eallima ja barggu sámeservodaga ovdii.
Iežaset ruovttusiiddus muitalit ahte foandda ulbmil lea movttiidahttit ja doarjut Ruošša beale sámiid geat áiggoše váldit oahpu ovtta dan logi sámegielas. Oahpu sáhttá váldit Ruošša bealde, Norgga bealde, Suoma bealde dahje Ruoŧa bealde.
Doarjaga sáhttá ohcat stipendii, mátkegoluide dahje oahppomateriálaid gokčamii.
Ohcanáigemearri lea geassemánu 11. beaivvi 2023.
Jevgenij Jushkov lei sámi ámmátdulka, giellačeahppi ja jorgaleaddji ja orui Lujávrris Ruošša bealde. Son lea orron sihke Kárášjogas ja Guovdageainnus ja studeren Sámi allaskuvllas. Son barggai maiddái Sámiráđis čállin ja jorgaleaddjin. Su eallin loahpahuvvui issoras dáhpáhusa geažil skábmamánu 29. beaivvi 2020:s Lujávrris.
Sámiráđi jahkečoahkkin lea moatti jagi dassái mearridan ásahit muitofoandda.
