-Almmuhus-
OĐĐASATJehova vihttanat báhtarit eret Ruoššas 

Jehova vihttanat báhtarit eret Ruoššas 

Journalista

-

-

Ruošša sihkarvuođabálvalus lea viežžagoahtán olbmuid geat gullet Jehova vihttaniid oskoservvodahkii Ruoššas. Dan ovddas šaddet sii giddagassii.

Ruošša sihkarvuođabálvalus (FSB) lea bearjadaga ohcan Jehova vihttaniid Kolas, čállá Murmanski Vestnik.

Guđa ásodagas leat ohcan Jehova vihttaniid Polyarny báikkis, mii lea militeara fanasbáiki davábealde Murmánskka, Ruoššas.

Sii válde gitta guoktása geat gullaba oskoservvodahkii.

Diibmá, cuoŋománu, dahkkui láhkaásahus mas boahtá ovdan ahte Jehova vihttaniid oskoservvodat lea lobiheapme go oaivvilduvvo leat ekstremistalaš servvodahkan.

 

Báhtarit eret Ruoššas

Ekstremistalága vuođul sáhttá gártat giddagassii guđa gitta logi jahkái. Ollu Jehova vihttanat báhtarit dál Supmii.

Badjel duháha olbmo leat ohcan dorvvu máŋga riikkas Eurohpás, čálii Helsingin Sanomat dálvet.

 

-Almmuhus-