Juohke jagi čalmmustuhtto riikkaidgaskasaš psyhkalaš dearvvašvuođabeaivi golggotmánu 10. beaivvi. Dán jagáš fádda: Jeara eambbo.
Riikkaidgaskasaš psyhkalaš dearvvašvuođabeaivvi ulbmil lea oažžut eambbo olbmuid váldit vára psyhkalaš dearvvašvuođas. Psyhkalaš dearvvašvuođas leat hástalusat olles eallenáiggi. Lea dábálaš psyhkalaččat heajuid veadjit. Juohke nuppi olbmos leat dahje ožžu psyhkalaš váttuid eallimis. Dat guoská olusiidda, alccesii, lagas olbmuide dahje ustibiidda. Lea dárbbaslaš diehtit movt mii árgabeaivvis sáhttit gievrudit iežamet, ja makkár reaidduiguin sáhttá psyhkalaš hástalusaid duostut.
Eambbo jearaldagat dagahit sáhkkiivuođa ja čájeha beroštumi earáide. Suokkardit ja háhkat eambbo máhtu addá eambbo vástadusaid. Don fuobmát ođđa oaidninčiegaid dahje duođastusaid. Dat addá responssa, máhtu ja oahpu dasa gii jearahallojuvvo ja dasa gii jearrá.
Jus eambbo jearat, de jávkagohtet tabuáššit ja heahpu mat leat čadnon psyhkalaš hástalusaide dađistaga. Okta dain deháleamoš ulbmiliin lea oažžut rabasvuođa psyhkalaš dearvvašvuođa birra.
Jurddaš dáid birra:
· Leat go odne jearrán alddát dahje earáin movt sii vedjet?
· Movt guldalit vástadusa?
· Maid dat vástádus dagai duinna?
· Sáhtát go geavahit vástadusa buorrin?
Rabas ja buorredáhtolaš jearaldagaiguin, ja muhtun duostilis jearaldagaiguin mii sáhttit ovddidit buoret ipmárdusa olbmuide. Vástádusat sáhttet hirpmástuhttit, sihke posiitivvalaččat ja negatiivvalaččat. Maid dat dahká duinna jus oaččut vástádusa masa it liiko?
Psyhkalaš dearvvašvuohta gáibida ahte mii bearráigeahččat dearvvašvuođamet.
Mis lea buohkain vejolašvuohta servodaga buoridit nu ahte lea álkit eallit, galgat maid fátmmastit ja nanusmahttit guhtet guimmiideamet. Danin mii ávžžuhit fuomášumi ja beroštumi, min iežamet eallimis ja earáid eallimis. Dán áiggis go mis lea buot, lea beroštupmi ja áigi dat fiidnámus skeaŋka maid sáhtát addit.
Čállán: Sámi klinihkka
