-Almmuhus-
OIDNON JA GULLONJávkanrádji bisuhuvvo

Jávkanrádji bisuhuvvo

Journalista

-

-

Oaivvildit jávkanrájis leamaš ávkki, ja danne evttohuvvo bisuhuvvot.

Dál lea boahtán dat ođas ahte dálá jávkanrádji galgá joatkašuvvat. 

– Mii leat hui duhtavaččat go min leat guldalan. Dá leat buorit ođđasat. Skuvllas lea oahppama dihte, dadjá Lektorlaget jođiheaddji, Helle Christin Nyhuus preassadieđáhusas.

Jávkanrádji evttohuvvo bisuhuvvot

Oahppodirektoráhtta evttoha bisuhit dálá 10 % jávkanráji joatkkaskuvllain.

Lektorlaget oaivvilda dálá jávkanrádji lea doaibman, muhto lea leamaš rabas ahte sáhttá justeret veahá.

Nyhuus muitala ahte Lektorlaget oaivvildii ahte ii oktage direktoráhta evttohusain ođđa jávkanrádjái lei doarvái buorre.

– Dasa attiimet čielga ruovttoluottadieđu. Mii leat danne ilus go Oahppodirektoráhtta lea guldalan proteasttaid ja evttoha measta ollásit doalahit dálá njuolggadusa, dadjá Nyhuus.

– Dálá njuolggadusain leat lihkostuvvan. Njuolggadusat leat dagahan ahte eambbo oahppit leat leamaš eambbo «gozuid alde» skuvllas, ja ožžon buoret árvosániid. Mii leat ilus go dálá 10 % jávkanrádji bisuhuvvo, dadjá son.

Oahppodirektoráhtta sádde dán evttohusa Oahpahusdepartementii:

– Dálá ortnet 10 proseantta jávkanrádji bisuhuvvo

– Oahppit galget beassat muhtun jávkamiin dokumentašuvnnain

– Oahppit galget eanemus lági mielde leat skuvllas oažžundihte čuovvoleami sihke fágalaččat ja sosiálalaččat

Direktoráhtta áigu maid geahčadit eambbo dáid:

– Iešdieđáhusortnet mas kvohta mii vuhtiiváldá fástadoaktára dili

– Bajit rádji man olu duođaštuvvon jávkama sáhttá sihkkut

Lektorlaget oaivvildit ahte oahppit geat leat badjel 18 jagi berrejit sáhttit buktit iešdieđáhusa muhtun kvohta rádjái. Ohppiide geat leat vuollel 18, berrejit váhnemat sáhttit buktit iešdieđáhusa oahppi ovddas.

-Almmuhus-